28,4% e 70-vjeçarëve të pavaksinuar, Tomini: Grupet e vaksinatorëve shkojnë derë më derë

Gati 1/3 e qytetarëve shqiptarë (32,7%) janë të bindur se nuk duan ta bëjnë vaksinën kundër COVID-19  dhe 28, 4 për qind e tyre i përkasin grupmoshës 65-70 vjeç.

Këto gjetje të Barometrit në Euronews Albania i komentoi zv.ministrja e Shëndetësisë, Eugena Tomini, sipas të cilës kjo është një shifër e lartë të pavaksinuarish për këtë grupmoshë.

E pyetur lidhur me strategjinë që ka menduar qeveria për vaksinimin e kësaj grupmoshe, që përbën edhe një grup risku, znj. Tomini theksoi se veç muajve të hapur të vaksinimit, janë vënë në veprim edhe grupet e vaksinatorëve. Këta të fundit, tha ministrja, bëjnë bilancin e personave të pavaksinuar në vend dhe shkojnë derë më derë në këto familje.

“Muajt e hapur, thirrjet e mjekut të familjes, gjurmimi i personave me sëmundje të tjera, kalimi derë me derë i vaksinatorëve. Këta të fundit nxjerrin të pavaksinuarit që janë rezidentë në Shqipëri. Duke evidentuar pikat e nxehta gjeografikisht, ata shkojnë derë më derë tek familjet që rezultojnë të pavaksinuara. Tani jemi në muajin e tretë të hapur të vaksnimit”, tha zv.ministrja.

LEXONI GJITHASHTU:

• • 37,8% e shqiptarëve të prekur nga COVID
  • Gati 1/3 e shqiptarëve refuzojnë të vaksinohen kundër COVID
  • 72% e shqiptarëve janë kundër vaksinimit me detyrim