Basha mbledh krerët e degëve, diskutohet përçarja brenda PD

Lulzim Basha ka mbledhur kryetarët e degëve të Partisë Demokratike në rrethe për të diskutuar mbi reformën territoriale dhe atë zgjedhore.

Euronews Albania ka mësuar se është diskutuar edhe për situatën e brendshme të Partisë Demokratike të krijuar pas përjashtimit të Sali Berishës nga grupi parlamentar.

Në takimin që zgjati më shumë se tre orë janë diskutuar mundësi për zgjidhje të situatës dhe rrugëdalje të mundshme për të shmangur përçarjen e mëtejshme të bazës.

Berisha pas përjashtimit nga grupi parlamentar ka nisur mbledhjen e firmave të anëtarëve të Këshillit Kombëtar të PD-së për të thirrur mbledhje të këtij organi drejtues të PD-së.