Trotuarët shkaktojnë vështirësi në lëvizje për personat me aftësi ndryshe

Suela Lala, person më aftësi ndryshe, ka treguar për Euronews Albania sesa vështirë e ka të lëvizë me karrocë në rrugët e kryeqytetit, pasi ato janë ndërtuar pa standard.

“Këtu nuk kalojmë dot në trotuar, siç e shikoni se trotuari është i lartë. Jemi të detyruar të ecim në rrugë”, tregoi Suela Lala, teksa karrocën e shtyn një e afërme e saj.

Ajo është e njohur për publikun pasi ka shumë vite ngre zërin për të drejtat e personave më aftësi të kufizuara dhe gjatë intervistës thekson se trotuaret janë shumë të ngushtë dhe shpesh kanë shkallë.

Znj. Lala shprehet se detyrohet të ecë në rrugët e makinave, por nënvizon se i rrezikohet jeta.

Ajo shprehet se në periferi të qytetit, situata është më problematike më rrugët, ku personat që kanë probleme me ecjen e kanë të pamundur që të lëvizin vetëm.