Manastirliu: 70% e popullatës e vaksinuar deri në mes të vitit 2022

“Shqipëria do të ndjekë objektivin e OBSH për vaksinimin e 70% të popullsisë deri në mesin e vitit 2022”. Kështu deklaroi ministrja e Shëndetësisë, Ogerta Manastirliu në interpelancën e kërkuar nga deputeti i opozitës, Tritan Shehu në seancën e sotme të Kuvendit.

Manastirliu deklaroi se 44% e qytetarëve janë më të mbrojtur me një dhe dy doza që i përkasin popullatës +16 vjeç.

Manastirliu në fjalën e saj tha se qeveria ka bërë të gjitha përpjekjet për të përmbushur përgjegjësitë e saj për sigurimin e sasisë së nevojshme të vaksinave që çdo qytetar të ketë mundësi të vaksinohet.

“Qeveria ka lëvizur të gjithë gurët për të përmbushur përgjegjësinë e saj, për të siguruar sasinë e nevojshme të vaksinave, në mënyrë që çdo qytetar të vaksinohet. Dhe në këtë drejtim, ia kemi dalë. Ky është një fakt! Arritja e objektivit të mbulesës me vaksina do të varet padyshim nga pranueshmeria, por edhe nga mekanizmat e sugjeruar nga ekspertët, të cilat ne jemi të vendosur t’i zbatojme”, tha ministrja e Shëndetësisë.

LEXONI GJITHASHTU:

• Asnjë kontroll në universitete për certifikatën e vaksinimit