Berisha: Basha peng i Ramës, ka marrëveshje për ta kthyer PD në “ministri”

Nga foltorja e radhës në Lushnje, ish-kryeministri Sali Berisha ka ftuar qytetarët që më 11 dhjetor të bashkohen në Kuvendin e ri ngritjes së Partisë Demokratike.

Berisha ka lëshuar akuza të forta ndaj kryetarit Lulzim Basha, duke aluduar se ka marrëveshje me kryeministrin Edi Rama.

Ai tha se për kundër pretendimeve për masakër elektorale, Basha nuk bëri asnjë rezistencë por u sigurua që të garantonte postin e kryetarit të partisë.

“Tradhtoi PD dhe sot në vend të luftës për masakrën elektorale ka marrëveshjen për të shndërruar PD në ministri të narkoshtetit. A vjen te ju ai? Jo, ka frikë nga ju. Kur nuk vjen tek ju, si do ta përmbysë Edi Ramën? Ai është një peng i Edi Ramës”, u shpreh Berisha.