Verstappen një hap larg titullit, thellon diferencën me Hamilton

Piloti holandez i Red Bull, Max Verstappen, triumfoi në garën e Çmimit të Madh të Meksikës në Formula 1, duke thelluar në 19 pikë diferencën me rivalin e tij kryesor për titull, Lewis Hamilton, i cili u rendit i dyti.

Në podium u ngjit edhe meksikani Sergio Perez me makinën tjetër Red Bull, që tentoi deri në fund të parakalojë rivalin britanik, por pa sukses.

Një garë e dominuar nga makina Red Bull, me Verstappen që u nis i treti, por që në startin e garës arriti të parakalojë dy makinat Mercedes. Makina gjermane nuk dha atë që pritej, e nisi keq garën me të dy pilotët, madje Bottas pësoi aksident dhe zbriti në vendet e fundit. Kjo bëri që Verstappen të zhvillojë një garë më vete, duke iu afruar edhe më shumë titullit të parë kampion në Formula 1.

Një garë të mirë bëri francezi edhe piloti Pierre Gasly me Alpha Tauri, që u klasifikua në vendin e katërt, duke lënë pas dy makinat Ferrari të Charles Leclerc dhe Carlos Sainz. Gjithsesi, “kokëkuqja” fitoi duelin me McLaren, që dështoi në këtë pistë, duke marrë vetëm 1 pikë me Norris. Makina italiane ngjitet në vendin e tretë për konstruktorë.

Gara e radhës mbahet pas një jave në Brazil.

LEXONI GJITHASHTU: 

• Boksieri shqiptar triumfon në Beograd, shkon në gjysmëfinalen e Botërorit
• Xavi, trajneri i ri i Barcelonës, ish-mesfushori firmosi kontratë 2-vjeçare
• Ndryshime në listën e Shqipërisë para ndeshjeve me Anglinë dhe Andorrën