Policia e Shtetit prangos 7 persona, 6 prej tyre të shpallur në kërkim

Strukturat e Policisë së Shtetit, krahas zbatimin e masave të marra për parandalimin e përhapjes së COVID-19, kanë vijuar punën për të goditur rastet e paligjshmërisë dhe arrestimin e personave, të cilët janë në kërkim policor për vepra të ndryshme penale.

Me anë të një njoftimi të shpërndarë për mediat, Policia e Shtetit bën me dije se, gjatë 24 orëve të fundit janë vënë në pranga 7 persona, ku 6 prej tyre rezultonin të shpallur në kërkim.

“Nga specialistët për Hetimin e Krimit Ekonomik dhe Financiar, në bashkëpunim me Forcat e Posaçme “Shqiponjat”, u bë arrestimi në flagrancë i shtetasit E. Gj., 37 vjeç, banues në Tiranë, pasi gjatë kontrollit fizik iu gjet dhe sekuestrua në cilësinë e provës materiale, një dokument pune dhe dy leje drejtimi italiane, të cilat dyshohet të jenë të falsifikuara”, njofton policia.

Gjithashtu në vijim të punës për kapjen e personave në kërkim, janë kapur dhe ndaluar shtetasit:

-E. H., 52 vjeç, banues në Tiranë, i shpallur në kërkim për veprën penale “Mashtrimi”;

-E. B., 27 vjeç, banues në Tiranë, i shpallur në kërkim për veprën penale “Ushtrimi i ndikimit të paligjshem ndaj personave që ushtrojnë fuksione publike, kryer në bashkëpunim”;

-A. M., 32 vjeç, banues në Tiranë, i shpallur në kërkim për veprën penale “Vjedhja”;

-I. B., 37 vjeç, banues në Durrës, i shpallur në kërkim për veprën penale “Vjedhja”;

-F. M., 45 vjeç, banues në Tiranë, i shpallur në kërkim për veprën penale “Vjedhja”;

-F. D alias F.M., 39 vjeç, banues në Vorë, i shpallur në kërkim për veprën penale “Goditje për shkak të detyrës, e kryer në bashkëpunim”, thuhet në njoftimin e policisë.