Zgjedhjet presidenciale në Bullgari, Radev fiton një mandat të dytë pesëvjeçar

Presidenti aktual bullgar Rumen Radev fitoi një mandat të dytë pesëvjeçar në balotazhin e zhvilluar një ditë më parë.

Sipas rezultateve, 58-vjeçari Radev mori 66 për qind të votave, ndërsa rivali i tij, një rektor universiteti, fitoi 32 për qind.

Radev kandidoi me premtimin për të luftuar korrupsionin në vend, një nga shtetet më të korruptuara në Bashkimin Evropian.

Roli i presidentit në Bullgari është kryesisht ceremonial. Por, Radev e ka transformuar rolin dhe ka qenë aktiv në luftën kundër korrupsionit.

Bullgaria është duke u përballur me një nga krizat më të rënda politike, pasi brenda një viti janë zhvilluar tre zgjedhje të përgjithshme parlamentare.

Në zgjedhjet e fundit fitoi një parti e re e cila ka detyrën të hyjë në bisedime për të formuar një koalicion qeverisës në të kundërt vendi shkon sërish në zgjedhje.