Prokuroria e Gjilanit ngre aktakuzë ndaj mësuesit që rrahu nxënësen 13-vjeçare

Një mësues në Viti të Kosovës është akuzuar se ka keqtrajtuar fizikisht si edhe fyer një nxënëse 13-vjeçare.

Policia ka raportuar se fillimisht mësuesi ka ngritur zërin, e më pas e ka sulmuar dhe goditur të miturën. Ngjarja ka ndodhur me datën 1 nëntor 2021, në ambientet e shkollës.

Ditën e sotme, Prokuroria në Gjilan ka ngritur aktakuzë ndaj mësuesit në fjalë.

“I pandehuri H.R, më 1 nëntor 2021, në një shkollë fillore në komunën e Vitisë, ka keqpërdorur detyrën dhe autorizimet e tij, ashtu që derisa ishte duke ushtruar detyrën e mësimdhënësit ka keqtrajtuar, frikësuar dhe fyer rëndë dinjitetin e të dëmtuarës, nxënëses të moshës 13 vjeçe, në atë mënyrë që fillimisht i bërtet me ton të lartë, ia përplas çantën për banke, pastaj e sulmon duke e goditur me shuplaka në fytyrë dhe kur e dëmtuara dëshiron të largohet nga klasa, i njëjti e ndalon duke e shtyrë me duar dhe e përplasë në karrige”, thuhet në komunikatën e Prokurorisë Themelore në Gjilan.

LEXONI GJITHASHTU:

• Krimet ndaj të miturve, 162 raste të dhunës dhe abuzimit seksual gjatë vitit 2021