Mjeku Alimehmeti: 5-fish më shumë mundësia që një fëmijë të jetë asimtomatik ndaj COVID-19

“Është 5-fish më shumë mundësia që një fëmijë të jetë asimtomatik në krahasim me një 40-vjeçar”. Kështu deklaroi për Euronews Albania, mjeku Ilir Alimehmeti teksa komentoi infektimin e fëmijëve me COVID-19.

Ai shtoi se humbjet e jetës janë fatmirësisht shumë të ulëta tek moshat e reja dhe se më shumë rëndësi është vaksinimi tek grupmoshat më të rritura.

Sipas mjekut rekomandohet vaksinimi anti-COVID kryesisht për fëmijët që kanë probleme shëndetësore.

Sa i përket virusit ‘duar-këmbë-gojë’, i përhapur tek fëmijët, ku shfaqen puçra në trup, ai tha se për këtë sëmundje nuk ka ndonjë mjekim specifik pasi është një sëmundje e lehtë.

Ai këshilloi që nëse fëmija infektohet nga ky virus, duhet të qëndrojë disa ditë në shtëpi, në mënyrë që të mos e përçojë virusin.

Sëmundja e duarve, këmbëve dhe gojës (SDKG) është sëmundje e zakonshme ngjitëse te fëmijët. Në trupin e fëmijës shfaqen flluska, puçra, të cilat janë prezentë edhe në gojë.