Zgjidhet presidenti i ri i Interpol, Al-Raisi i akuzuar për torturë

Ahmed Al-Raisi, një gjeneral i Emirateve të Bashkuara i akuzuar për torturë, zgjidhet president i Interpolit.

Gjenerali, inspektor i përgjithshëm në ministrinë e Brendshme të Emirateve të Bashkuara Arabe, ishte tashmë një anëtar i Komitetit Ekzekutiv të Interpolit.

Al-Raisi akuzohet për torturat e të burgosurve politikë të profilit të lartë, duke përfshirë Ahmed Mansoor, një disident nga Emiratet dhe një tjetër, një akademik britanik që u akuzua për spiunazh në 2018 dhe u dënua me burgim të përjetshëm.

Ndaj tij janë ngritur kallëzime penale në pesë vende, përfshirë Francën, ku ka selinë Interpol dhe në Turqi ku u zhvilluan zgjedhjet.

Kritikët kanë frikë se ai mund të përdorë Interpolin për të kapur disidentët e mërguar dhe kundërshtarët politikë në Emiratet e Bashkuara Arabe, në vend që të gjurmojë kontrabandistët e drogës, trafikantët e qenieve njerëzore, të dyshuarit për krime lufte dhe ekstremistët.

Al-Raisi thotë se dëshiron të përdorë mandatin e tij katërvjeçar për të modernizuar Interpolin.

LEXONI GJITHASHTU:

• Mbyten 31 emigrantë në tentativë të shkuar ilegalisht në Angli
• Kryeministrja e parë femër e Suedisë jep dorëheqjen disa orë pas emërimit