Shqiptarët në RMV do kenë historinë e tyre të shkruar, thotë drejtori i Institutit të Kulturës

“Shqiptarët e Maqedonisë së Veriut përfundimisht do të kenë histori të shkruar në aspektin institucional dhe dalëngadalë do t’i detyrojmë institucionet shtetërore që t’i heqin nga përdorimi tekstet fyese në tekstet e historisë”.

Kjo është deklarata e dhënë nga drejtor i Institutit të Trashëgimisë shpirtërore dhe kulturore të shqiptarëve në Maqedoninë e Veriut, Skënder Asani për emisionin “Mirëmëngjes”.

Z. Asani nënvizoi se synim është që të hiqen nga shkollat tekstet fyese për shqiptarët dhe të shkruhet historia e vërtetë.

“Nga institucionet shtetërore të Shqipërisë jemi të anashkaluar si treva anësore.  Ne jemi nga të dy anët të sulmuar”, u shpreh ai, teksa shtoi se do ta shkruajnë historinë në mënyrë të argumentuar.

“Ky projekt do të jetë nga stafi ynë në institut, por do të konsultohemi edhe me historianë ndërkombëtarë nga Tirana dhe Prishtina. Duhet të dëshmojmë që jemi popull me histori. Është projekt 3-vjeçar”, u shpreh ai.

LEXONI GJITHASHTU:

• ‘Ministria harxhohen mijëra euro për një logo’, arkeologu: S’kemi pse shtrijmë dorën tek të huaj për ekspeditat
• Përzgjedhja e teksteve të historisë, proces i lidhur me politikën, thotë Neritan Ceka