‘PD të shkëputet nga e shkuara’, Kadilli: Nëse jemi këtu për të zëvendësuar Bashën me Berishën po gënjejmë veten

Fatbardh Kadilli ish-anëtar i Kryesisë së PD-së në fjalimi e mbajtur në Kuvendin e thirrur nga Sali Berisha deklaroi se demokratët duhet të shkëputen nga e shkuara.

Ai tha se ky Kuvend nuk duhet të shërbejë vetëm për zëvendësimin e Bashës me Berishën, por për një vizion të ri të partisë më të madhe në opozitë.

Të shkruash në statut se kryetari humbës duhet të largohet është vetëm një gjë e shkruar në letër. Vetëm nëse besojmë vërtetë në këtë parim, atëherë do kemi një PD tjetër. Kjo është prova e vërtetë. Prova për të treguar se statuti nuk është letër, por gjë e shenjtë mbi këdo. Sfida e vërtetë e kuvendit është që edhe Berisha nuk mund të jetë mbi këtë parim. Rregulli duhet të nisë të zbatohet mbi Bashën dhe Berishën. Vetëm nëse edhe Basha dhe Berisha përjashtohen nga e drejta për të garuar për kryetar partie, vetëm atëherë do fillojë ndryshimi i vërtetë i PD. PD nuk ka nevojë për heronj, ka nevojë për liri dhe mundësi për të gjithë. Nëse jemi këtu për ta zëvendësuar Bashën me Berishën kemi mashtruar veten dhe gjithë botën”, tha anëtari i kryesisë së PD.