Ambasadorët e SHBA, BE, Gjermani, Francë, Britani në zyrën e Bashës pas tensioneve në selinë e PD

Ambasadorët e SHBA, BE, Gjermani, Francë, Britani kanë shkuar paraditen e së martës në selinë e Partisë Demokratike ku janë takuar kryedemokratin Lulzim Basha.

Takimi i cili ka zgjatur rreth 70 minuta, sipas burimeve të Euronews Albania ka ardhur me kërkesë të të dyja palëve.

Takimi vjen një ditë pas tensioneve të shënuara në selinë blu, ku ish-kryeministri Sali Berisha bashkë me mbështetësit e tij hynë në selinë e PD ku zhvilluan një mbledhje me komisionin e rithemelimit, të votuar gjatë kuvendit të 11 dhjetorit.

Berisha tha se u mor vendim për të organizuar një referendum të anëtarësisë së partisë për largimin e Lulzim Bashës nga partia.

Ish-kryeministri ngriti akuza se brenda selisë të Partisë Demokratike ka persona të armatosur që kanë kërcënuar anëtarët e Forumit Rinor.

Nga ana tjetër kryetari i PD, Lulzim Basha u tregua i ashpër me fjalët  e tij ndaj Berishës, duke e quajtur ish-komunist që po bën gjithçka që të mbrojë interesat e veta edhe në kurriz të partisë.