Robotët në zbulim të Pompeit, si po përdoret teknologjia digjitale 3D për të zbuluar afresket

Disa mijëra fragmente afreskesh të qytetit të lashtë të Pompeit, që ngjajnë me copëzat e një mozaiku, do të vendosen së bashku me ndihmën e një infrastrukture robotike, e pajisur me krahë mekanikë, në gjendje të skanojë dhe t’i njohë ato përmes një sistemi digjitalizimi 3D.

“Jo të gjitha copëzat janë në gjendje të mirë, ndaj duhet të marrim parasysh faktin se mund të ketë vizatime në afreske që nuk janë lehtësisht të dukshme. Ndaj do të përdorim këtë lloj teknologjie për të hetuar se çfarë mund të ketë pasur atje, para se të jetë fshirë nga temperaturat, shiu apo faktorë të tjerë që ndryshojnë strukturën e copëzave me kalimin e kohës”, thotë Arianna Travigli, Qendra për Trashëgiminë Kulturore dhe Teknologjinë.

Subjekt i eksperimentit do të jenë afresket në tavanin e Shtëpisë së Piktorëve, që u dëmtua nga vullkani i vitit 79 pas vdekjes së Krishtit dhe më vonë nga bombardimet e Luftës së Dytë Botërore.

Më vonë studimi do të fokusohet në fragmentet e afreskeve të Shkollës së Armatimit, që u zbulua në vitin 2010, me copëzat e të cilit që nuk janë rivendosur ende në vendin e duhur.