Lehtësim masash në disa qytete, Rama: Policia e Shtetit po përgatitet për të monitoruar situatën

Pas njoftimi të djeshëm të Kryeministrit të vendit, Edi Rama, për lehtësimin e masave në disa qytete të vendit, Policia e Shtetit ndërkohë ka nisur përgatitjen e saj për të monitoruar sjelljen e qytetarëve në këto qarqe.

Me anë të një shënimi në rrjetin social “Facebook”, shefi i ekzekutivit shprehet se,  banorët e qarqeve që janë lejuar të lëvizin pas 27 prillit kanë në dorë një përgjegjësi të madhe për të mbrojtur veten dhe qytetarët e tjerë.

“Policia e Shtetit përgatitet për mbrojtjen dhe monitorimin e zonave të gjelbërta. Qytetarët e zonave të gjelbërta do të kenë një mundësi të re, po edhe përgjegjësinë e re që të mbrojnë veten e të tjerët, në kushtet e një lehtësimi të madh krahasuar me pjesën tjetër të vendit!”, shkruan Rama.

Për të shkuar sa më mirë gjërat në këto qytete, Rama bisedoi me kryebashkiakët me një video-konferencë, ndërsa iu caktoi detyra për të monitoruar situatën në terren.