31-vjeçari që u vra në Kamëz po gjykohej për vjedhje dhe armëmbajtje pa leje

31-vjeçari Can Kariçi që u ekzekutua të enjten mbrëma në Kodër Kamëz po gjykohej për armëmbajtje pa leje dhe vjedhje.

Sipas të dhënave të siguruara nga Euronews Albania vetëm 1 ditë para vrasjes, Kariçi kishte pasur seancën e radhës në gjykatë.

Prokuroria Kurbin e dërgoi atë në gjyq në 19 korrik ndërkohë që ai ishte ndaluar nga forcat RENEA në shkurt të këtij viti në një kompleks në Fushë-Milot me një pistolete pa leje, 14 fishekë dhe një palë targa të vjedhura në Shkodër.

Për hetuesit është paqartë se si i riu ishte liruar nga qelia me një masë të butë sigurie,  ndërkohë që sipas të dhënave paraprake rezulton si person me të shkuar kriminale.

Ai dyshohet se ishte pjesë aktive e një grupi kriminal që vepron në kryeqytet dhe njihej si mik i Eriger Mihasit që u ekzekutua pak javë me parë në zonën e Astirit bashkë me një tjetër person.

Ngjarja e rëndë ndodhi mbrëmjen e djeshme, ku i riu u gjet i pajetë brenda një makinë të ndezur në Kodër Kamëz.

Në automjetin e 30-vjeçarit është gjetur një armë zjarri. Nisur nga mënyra e ekzekutimit dhe djegia e makinës së autorëve dyshohet se është një atentat i mirëorganizuar.

LEXONI GJITHASHTU:

• I zunë pritë pasi doli nga lokali, ekzekutohet 30-vjeçari në Kamëz