Erlis Çela: Nëse nuk bëhet reforme e thellë kushtetuese, s’ka rëndësi emri i Presidentit të ri

Pedagogu Erlis Çela tha në emisionin “Now” me Erla Mëhillin se nëse nuk bëhet një reformë e thellë kushtetuese, atëherë nuk ka rëndësi se kush do të jetë presidenti i ri i vendit.

“Pozicioni i presidentit të ardhshëm do të jetë më i dobët se Ilir Meta, pasi Ilir Meta nuk ishte një politikan që do të dilte në pension”, u shpreh Çela.

Por, nëse kushtet do të ndryshojnë, atëherë emri i presidentit të ri do të jetë i rëndësishëm, sipas Çelës.

Ai tha se gjatë viti 2022 pritet që presidenti Ilir Meta të rikthehet si kryetar i LSI-së.

Sipas Çelës, vendimi i Gjykatës Kushtetuese për presidentin Ilir Meta i cili ‘u shkarkua’ nga detyra me votat e Parlamentit përtej efektit do që do të prodhojë, ka më shumë ndikim politik.

Mandati i Ilir Metës si president përfundon më 24 korrik të viti 2022.