U pezullua nga Kryesia, Tritan Shehu: Strukturë anti-statuore, do ketë zhvillime shumë shpejt

Vendimin për pezullimin nga Partia Demokratike, deputeti Tritan Shehu e ka quajtur anti-statuor.

Për emisionin “Mirëmëngjes” në Euronews Albania, Shehu deklaroi se aktualisht nuk ka një vendim nga kryesia e partisë, pasi të tilla struktura nuk ekzistojnë.

“Nuk ka Këshill Kombëtar, ka Kuvend Kombëtar dhe Komisioni i Rithemelimit. Do të ketë një Kuvend në muajin mars. Ka vetëm dy institucione PD në këto momente”, u shpreh ai.

Deputeti nënvizoi se do të shkojnë në mjediset e PD-së, pasi ajo është një seli e demokratëve.

“Unë mendoj që do shkojmë dhe ajo godinë do u jepet demokratëve dhe do jetë e hapur për të gjithë”, tha ai

Z. Shehu tha se do të përdoren të gjithë mjetet demokratike që të realizohet qëllimi.

“Do të ketë shumë shpejt zhvillime, ndoshta çështje ditësh”, tha deputeti.

LEXONI GJITHASHTU:

• Kryesia e PD-së përjashton përgjithmonë Sali Berishën nga partia