Arrihet marrëveshja e koalicionit bashkëqeverisës mes LDK dhe AAK, Haradinaj merr 4 ministri dhe një zv/kryeministër

LDK-ja ka nënshkruar marrëveshje bashkëqeverisëse me AAK-në. Këtë e bëri të ditur kryetari i AAK-se, Ramush Haradinaj pas takimit me liderin e LDK-së, Isa Mustafa. Haradinaj tha se AAK-së do t’i takojnë katër ministri dhe posti i zëvendëskryeministrit.

Ndërkohë, kryetari i Partisë Demokratike të Kosovës, Kadri Veseli ka deklaruar se asnjë deputet i PDK-së nuk do ta votojë qeverinë siç e ka quajtur të mashtrimit e cila kandidat për kryeministër ka Avdullah Hotin.

Ai kërkon zgjedhje pas përfundimit të pandemisë.

 “Asnjë deputet i PDK-së nuk do ta votojë qeverinë e mashtrimit. LDK dhe Lëvizja Vetëvendosje për situatën në të cilën na ka sjellë. Ata duhet vetë ta tejkalojnë këtë situatë por zgjidhja më e mirë është që të krijohen kushtet dhe pas pandemisë të kemi zgjedhje demokratike dhe legjitimitet demokratik”, tha Veseli.

Mund të lexoni gjithashtu:

Albin Kurti: Nuk më lanë që të vija në pushtet, zgjedhjet mund të mbahen në qershor

Avdullah Hoti: Jemi pajtuar me aleatët e koalicionit, së shpejti votohet qeveria e re