Deputetja Pampuri: E gjithë vëmendja jonë si opozitë duhet të ishte përballë Edi Ramës

Deputetja e Partisë Demokratike, Orjola Pampuri deklaroi për emisionin “Mirëmëngjes” në Euronews Albania se nuk ishte e nevojshme përdorimi i dhunës në selinë blu në protestën e 8 janarit.

“Më vjen turp që PD, një tempull të them të drejtën i demokracisë në Shqipëri, të shndërrohet në një vend që e komentojnë të gjithë, në një vend i cili personifikon vendin ku palët u vendosën përballë njëra tjetrës. Jemi në një situatë të vështirë përballë një qeverie të korruptuar. E gjithë vëmendja jonë si opozitë duhet të ishte përballë Edi Ramës”, u shpreh znj. Pampuri.

Deputetja nënvizoi se meqë z. Berisha deklaron se ka një mbështetje të madhe le të merrte një godinë tjetër.

“Nuk duhet ne të na vinte dikush përballë njëri tjetrit, me urrejtje, linçime, sharje, ofendime dhe deri në fund me akte të paprecedenta”, tha ajo.