Askush nuk e di kush janë pronarët e inceneratorëve, thotë gazetari

Qeveria nuk bërë asnjë lloj transparencë lidhur me personat që janë pronarë të inceneratorëve, çka e rrit dyshimet për aferë korruptive.

Këtë tha Besar Likmeta, gazetar i ‘Birn’ në emisioni ‘Barometri’, ku u analizua perceptimi i publikut lidhur me çështjen e inceneratorëve.

“Ajo që më shqetëson më shumë është fakti se nuk e dimë se kush janë pronarët e vërtetë të inceneratorëve. Ka dyshime se ata persona që na janë vënë përpara mund të jenë entitet guaskë që janë aty në vend të një njeriu tjetër. Këtë (transparencën) se ka bërë askush nga qeveria, qoftë një ministër, dhe as pronarët e inceneratorëve”, tha Likmeta.

Sipas tij, menaxhimi i mbetjeve në Shqipëri nuk ka asnjë përmirësim të dukshëm me inceneratorët.

LEXONI GJITHASHTU:

• Nëse provohet korrupsioni tek inceneratorët, qeveria duhet të japë dorëheqjen
• Inceneratorët do të jenë prova për drejtësinë e re