55 të vdekur nga COVID në Serbi

55 persona vdiqën dhe 4,483 të tjerë rezultuan pozitivë në 24 orët e fundit në Serbi. Shifrat dolën pas testimit të 17,667 personave.

Autoritetet shëndetësore në Beograd bëjnë të ditur se 136 pacientë janë me respiratorë.

Dje rezultuan pozitivë me coronavirus 3,876 persona, ndërsa vdiqën 62.

Dragoslav Popoviç, konsulent vaksinimi dhe kryetar i Shoqatës së Shëndetit Publik të Serbisë, thotë se vendet që po heqin kufizimet nëpër Evropë janë në krye të vaksinimit dhe tha se kjo nuk është situata në Serbi.

Popoviç tha për Euronews Serbia se në vend ka ende një numër të madh të të infektuarve me coronavirus, se shumë pacientë nuk mund të marrin shërbime të tjera shëndetësore për shkak të COVID-19.

Ai gjithashtu tha se një numër i madh i punëtorëve shëndetësorë janë të infektuar dhe se Serbia nuk është në pikën për të lehtësuar kufizimet.

“Situata që kemi tani duket si fundi i pandemisë, veçanërisht në vendet që kanë qenë më të suksesshme në masat parandaluese dhe vaksinuese. Duhet të jemi të vetëdijshëm se situata atje është ndryshe dhe se në Serbi dhe në shumë vende të botës, vaksinimi dhe masat e tjera nuk janë në atë nivel që t’i lehtësojmë masat”, tha ai.

LEXONI GJITHASHTU:

• Johnson njofton heqjen e kufizimeve anti-COVID në Angli