Rusia përmend armët bërthamore për të ushtruar presion, thotë ministri ukrainas

Nëse Rusia përdor armë bërthamore kundër Ukrainës, “do të përbëjë një katastrofë botërore, por nuk do të na shkatërrojë”.

Kështu u shpreh të enjten Ministri i Jashtëm ukrainas, Dmytro Kuleba, në kohën kur Putini i ka kërkuar ushtrisë ruse që “vendosë në gadishmëri” forcat bërthamore.

Kuleba tha se ky urdhër i Putinit erdhi menjëherë pasi u bë njoftimi për dy delegacionet e Rusisë dhe Ukrainës për t’u takuar për bisedime.

“Ne e shohim këtë urdhër si një përpjekje për të bërë presion mbi delegacionin ukrainas”, u shpreh Kuleba.

“Por ne nuk do të dorëzohemi para këtij presioni. Ne do t’u qasemi bisedimeve shumë thjeshtë. Do të shkojmë atje për të dëgjuar se çfarë ka për të thënë Rusia, dhe do t’u tregojmë se çfarë mendojmë për gjithë këtë”, u shpreh Kuleba.

“Ukraina nuk po bie. Ne po rrjedhim gjak, por vazhdojmë të mbrohemi me sukses”, shtoi ai.