Stoltenberg: Aleatët e NATO-s po rrisin mbështetjen për Ukrainën

Aleatët e NATO-s po rrisin mbështetjen për Ukrainën, me raketa të mbrojtjes ajrore, me armë anti-tank, si dhe me ndihma humanitare dhe financiare, tha sekretari i përgjithshëm i NATO-s, Jens Stoltenberg, në një postim në Twitter.

Ai tha se ka biseduar me presidentin e Ukrainës, Volodymyr Zelensky, dhe se e ka përgëzuar atë për trimërinë e popullit dhe të forcave të armatosura të Ukrainës.

I just spoke with President @ZelenskyyUa & commended him for the bravery of the people & armed forces of #Ukraine. #NATO Allies are stepping up support with air-defence missiles, anti-tank weapons, as well as humanitarian & financial aid.

— Jens Stoltenberg (@jensstoltenberg) February 28, 2022

Bashkimi Evropian ka njoftuar që do të furnizojë Ukrainën me armë, hap ky që ndërmerret për herë të parë në histori.

Njoftimin e bëri presidentja e Komisionit Evropian, Ursula von der Leyen, gjatë një konference për shtyp të dielen.

Ajo njoftoi gjithashtu për një sërë sanksionesh të reja ndaj Rusinë dhe Bjellorusinë, si edhe ndalim që Rusia të përdorë hapësirën ajrore evropiane.

Rusia ka nisur pushtimin e Ukrainës në orët e para të 24 shkurtit. Shtetet perëndimore kanë dënuar veprimet e Rusisë dhe kanë vendosur sanksione ndaj Moskës.

LEXONI GJITHASHTU: 

• Përditësime LIVE 28 shkurt: Nisin bisedimet e paqes Rusi-Ukrainë