Shell braktis projektin rus me vlerë $3 miliardë

Shell i ka dhënë fund të gjitha sipërmarrjeve me kompanitë ruse.

Shefi ekzekutiv, Ben van Beurden, ka dënuar pushtimin e Ukrainës duke e cilësuar si një “akt i pakuptimtë agresioni ushtarak”.

Shell do të shesë aksionet në sipërmarrjet ku është ortake me Gazprom, përfshi dhe 27.5 për qind të aseteve që ka në një fabrikë të gazit natyror të lëngshëm.

Vendimi vjen në një kohë kur kompania British Petroleum (BP) shiti të gjitha aksionet në kompaninë shtetërore të naftës, Rosneft.

Kompania planifikon gjithashtu të braktisë gazsjellësin Nord Stream 2 nga Rusia në Gjermani, të cilin e kishte bashkë-financuar me një grup kompanish të tjera.

“E kemi marrë këtë vendim me bindje të plotë”, tha van Beurden.

LEXONI GJITHASHTU:

• Përditësime LIVE 28 shkurt: Përfundojnë bisedimet Ukrainë-Rusi
• British Petroleum shet aksionet në kompaninë ruse të naftës