Koreja e Veriut fajëson SHBA për krizën në Ukrainë

Koreja e Veriut ka fajësuar “politikat hegjemoniste” të SHBA dhe Perëndimit në krizën në Ukrainë.

Qëndrimi është shprehur përmes një komunikate të bërë nga zëdhënësi i ministrisë së Jashtme.

“Rrënjët e krizës në Ukrainë shtrihen plotësisht tek politikat hegjemoniste të SHBA dhe Perëndimit, që kënaqen me arbitraritet ndaj vendeve të tjera”, tha zëdhënësi.

Sipas Koresë së Veriut, SHBA dhe Perëndimit “sistematikisht kanë vënë në rrezik sigurinë në Evropë nisur nga përpjekjet për të ndërtuar sistem raketash dhe zgjerim të NATO-s.

Vendi komunisti gjithashtu ka denoncuar politikat e dyfishta të SHBA duke kërcënuar paqen dhe sigurinë për shtete të tjera sovrane.