KE: Ata që ikin nga bombat e Putinit janë të mirëpritur në Evropë

Komisioni Evropian (KE) ka propozuar aktivizimin e Direktivës për Mbrojtjen e Përkohshme, në mënyrë që të ofrojë ndihmë të shpejtë dhe efikase për njerëzit që ikin nga lufta në Ukrainë.

Sipas këtij propozimi, personat që ikin nga lufta do të kenë mbrojtje të përkohshme në Bashkimin Evropian (BE), që do të thotë se do të marrin leje qëndrime, do të kenë akses në arsim dhe në tregun e punës.

Është një masë e jashtëzakonshme për të ofruar mbrojtje të menjëhershme dhe të përkohshme për personat e zhvendosur nga vendet jashtë BE-së dhe ata që nuk janë në gjendje të kthehen në vendin e tyre të origjinës.

Kryetarja e Komisionit Evropian, Ursula von der Leyen, deklaroi me këtë rast se Evropa qëndron pranë atyre që kanë nevojë për mbrojtje.

“Të gjithë ata që ikin nga bombat e Putinit janë të mirëpritur në Evropë. Ne do të ofrojmë mbrojtje për ata që kërkojnë strehim dhe do të ndihmojmë ata që kërkojnë një rrugë të sigurt për në shtëpi”, ka shkruar ajo në Twitter.

Europe stands by those in need of protection.

All those fleeing Putin’s bombs are welcome in Europe.

We will provide protection to those seeking shelter and we will help those looking for a safe way home.

Our proposal to support people fleeing the war in Ukraine ↓

— Ursula von der Leyen (@vonderleyen) March 2, 2022

Në të njëjtën kohë, Komisioni Evropian prezantoi udhëzime operacionale që synojnë të ndihmojnë rojet kufitare të shteteve anëtare për të menaxhuar në mënyrë efektive mbërritjet në kufijtë me Ukrainën, duke ruajtur një nivel të lartë sigurie.

Udhëzimet rekomandojnë gjithashtu që shtetet anëtare të krijojnë korsi të veçanta për ndihmë emergjente për të kanalizuar ndihmën humanitare dhe për të lejuar hyrjen në BE, mbi baza humanitare.

Sipas të dhënave zyrtare të KE-së, që nga fillimi i pushtimit rus të Ukrainës, mbi 650,000 njerëz kanë ikur në vendet fqinje anëtare të BE-së.

LEXONI GJITHASHTU: 

• Përditësime LIVE 2 mars: Zelensky: Kemi vrarë 6000 ushtarë rusë