SPAK kërkon 1 vit burg për ish-zv. ministren e Brendshme

Prokuroria e Posaçme ka kërkuar dënimin me 1 vit e 6 muaj burg për ish-zv.ministren e Brendshme, Rovena Voda.

Sipas SPAK, Voda është fajtore për akuzën e shpërdorimit të detyrës.

Për shkak të gjykimit të shkurtuar, dënimi përfundimtar i kërkuar është 1 vit burg, si edhe 3 vjet heqje e së drejtës së ushtrimit të funksioneve publike.

Për dy të bashkëpanehurat e Vodës, Florida Beu dhe Majlinda Hasani SPAK kërkoi nga 15 muaj burg, që për shkak të gjykimit të shkurtuar shkon në 10 muaj.

Sipas dosjes hetimore, në cilësinë e zv.ministres së Brendshme, Voda ka përfituar 1 mijë euro, një aparat telefonik celular dhe një arkë peshk nga dy persona, me qëllim punësimin e Florida Beut si specialiste në Ministrinë e Brendshme.

LEXONI GJITHASHTU:

• Ish-zv. ministrja e Brendshme Rovena Voda ankimon arrestin e shtëpisë
• SPAK çon për gjykim çështjen ndaj ish-zv.ministres së Brendshme Rovena Voda