Kremlini: Admirojmë heroizmin e ushtarëve rusë

Zëdhënësi i Kremlinit Dmitry Peskov ka shprehur “dhimbje të madhe” për ushtarët rusë të vrarë gjatë pushtimit të Ukrainës.

“Ne të gjithë shprehim ngushëllime për të afërmit dhe miqtë, ata që kanë humbur bashkëshortët dhe fëmijët e tyre. Sigurisht, kjo është një tragjedi e madhe për të gjithë ne”, tha Peskov të enjten.

“Ne të gjithë e admirojmë heroizmin e ushtarëve. Veprimet e tyre të trimërisë do të hyjnë në histori si një sukses në luftën kundër nazistëve dhe përmbushjen e kësaj detyre të rëndësishme”, tha Peskov, raporton CNN.

Referenca naziste është pjesë e një fushate propagandistike nga presidenti rus Vladimir Putin, i cili – në mënyrë të pabazë dhe të pasaktë – i është referuar pushtimit të Ukrainës nga vendi i tij si një fushatë “denazifikimi”.

Peskov hodhi poshtë raportimet nga ana e zyrtarëve ukrainas se shpalljen e gjendjes së luftës.

“Këto janë mashtrime, thjesht mashtrime që qarkullojnë përreth”, tha ai.

“Prandaj, duhet të jeni shumë të kujdesshëm për të gjitha informacionet dhe të mos bëheni viktima të thashethemeve dhe mashtrimeve të thjeshta”.

Rusia ka futur një sërë masash emergjente ekonomike duke përfshirë kufizime në transferet e parave jashtë vendit.

Rubla ruse ka rënë në mënyrë drastike kundrejt dollarit pas pushtimit rus të Ukrainës.

LEXONI GJITHASHTU: 

• Përditësime LIVE 3 mars: Raportohen disa shpërthime të fuqishme në Kiev