“Po bën gabim serioz”, Macron paralajmëron Putin

Presidenti francez Emmanuel Macron ka zhvilluar një bisedë telefonike për rreth 90 minuta me homologun e tij rus, Vladimir Putin.

Sipas Pallatit të Elizesë Putin pretendon se ofensiva ushtarake po shkon “sipas planit”.

Nga ana tjetër, Macron i ka thënë Putin se po “bën një gabim të madh” duke hedhur poshtë krahasimin e Putin se qeveria ukrainase është “regjim nazist”.

Presidenti francez ka shprehur shqetësimin e tij për pasojat mbi civilët, veçanërisht nga bombardimet në rrethinat e Kievit.

Macron ka paralajmëruar homologun e tij se sanksionet do ta kthejnë Rusinë në një shtet “të izoluar dhe të dobët”.

Në një dalje televizive nga Pallati Elizesë mbrëmjen e së martës, Macron ka dënuar Rusinë dhe “gënjeshtrën” e saj se po lufton nazizmin në Ukrainë.

“Lufta nuk i përket më vetëm librave të historisë: Është aty, përpara syve tanë”.

LEXONI GJITHASHTU

• Putin-Macron-it: Çarmatimi i Ukrainës do të arrihet
• Përditësime LIVE 3 mars: Nisin bisedimet Ukrainë-Rusi