Kompania ajrore ruse Aeroflot pezullon fluturimet ndërkombëtare

Kompania ajrore e Rusisë, Aeroflot, njoftoi të shtunën se do të pezullojë të gjithë fluturimet ndërkombëtare duke filluar nga 8 marsi.

Vendimi do të hyjë në fuqi pas mesnatës së të hënës, ndërsa kompania ka justifikuar lëvizjen si pasojë të “rrethanave që pengojnë aktivitetin e fluturimeve”,

E vetmja linjë që do të vazhdojë aktivitetin e rregullt ajror është ajo me kryeqytetin bjellorus, Minsk.

Aeroflot është kompania më e madhe ajrore e Rusisë.

Vendimi vjen në një kohë kur shumica e vendeve të Perëndimit vendosën të ndalojnë udhëtimet me kompani apo avionë rusë.

LEXONI GJITHASHTU:

• Biden: Sot mbyllim hapësirën ajrore për avionët rusë
• Përditësime LIVE 5 mars: Akuza të ndërsjella mbi pezullimin e evakuimit