Gjermania nuk do të dërgojë avionë lufte në Ukrainë

Gjermania thotë se nuk do të dërgojë avionë luftarakë në Ukrainë.

Një vendim i tillë vjen pasi SHBA refuzoi ofertën e Polonisë për të transferuar avionët e saj MiG-29 të prodhimit rus në Ukrainë nëpërmjet një baze amerikane në Gjermani.

Kancelari Olaf Scholz thotë se Gjermania ka “siguruar të gjitha llojet e materialeve të mbrojtjes” duke përfshirë armët, por ai thotë se “padyshim që avionët luftarakë nuk janë pjesë e kësaj”.

Ndërkohë Mbretëria e Bashkuar thotë se “nuk është e pranueshme” që pilotët dhe avionët e NATO-s të rrëzojnë aeroplanët rusë.

Një zëdhënës i kryeministrit thotë se Boris Johnson “ka thënë në mënyrë të përsëritur” se është i përkushtuar të “sigurojë armët që i duhen Ukrainës”.