Basha nuk përgjigjet për dorëheqjen: I gatshëm të bëj gjithçka për PD

Partia Demokratike do t’i nënshtrohet një dialogu të hapur me njëri-tjetrin dhe me votuesit për të rrëzuar pushtetin e korruptuar.

Kështu tha kryetari i Partisë Demokratike, Lulzim Basha në një deklaratë për mediat jashtë parlamentit, ku komentoi raportin e komisionit hetimor për inceneratorët.

Basha iu shmang pyetjes së mediave nëse ishte i gatshëm të jepte dorëheqjen nga posti i kryetarit, duke theksuar se ishte i gatshëm të bënte gjithçka për PD, si kryetar apo anëtar.

“Unë do të bëj gjithçka që PD të dalë nga trauma e pësuar në 6 mars. Unë kam qenë i gatshëm të bëj gjithçka. Kauza është forcimi dhe ringritja e PD, kushdo që mendon se mund të më bëje presion mua dhe demokratëve për të na hequr nga kauza, nuk bën gjë tjetër vetëm se shkatërron PD. Ne kemi nisur një proces që do ta vazhdojmë në mënyrë që vendimet të merren në favor të Partisë Demokratike.

LEXONI GJITHASHTU:

• Jemi në proces reflektimi për një PD të fortë e të bashkuar, thotë Basha
• Basha bën humor të pavetëdijshëm, thotë gazetari