Putin paralajmëron hakmarrje për kompanitë që largohen nga Rusia

Presidenti rus, Vladimir Putin tha se qeveria ruse mund të marrë përsipër asetet e kompanive të huaja që tërhiqen nga Rusia.

“Rusia mund të fusë menaxhim të jashtëm te ato biznese që mbyllin objektet e tyre të prodhimit, dhe më pas t’i dorëzojë këto ndërmarrje tek ata që janë të gatshëm të punojnë. Ne do të gjejmë një mënyrë ligjore për ta bërë këtë”, tha Putin.

Ai i cilësoi të paligjshme dhe armiqësore sanksionet e vendosura nga Perëndimi ndaj Rusisë, ndërsa këmbënguli se Rusia po përmbush detyrimet e saj për furnizimin me energji dhe nuk është fajtore për rritjen e çmimeve.

“Është rezultat i llogaritjeve të tyre të gabuara, mos na fajësoni neve”, tha presidenti rus.

LEXONI GJITHASHTU:

• ‘Një tërmet më i madh se SWIFT’ – sanksionet e PayPal, Visa dhe Mastercard
• Zelensky: Guximi Rusisë, sinjal i qartë se sanksionet nuk janë të mjaftueshme