Lobist për krizën në PD, ish-zyrtari i BE takime me Berishën e Bashën

Elmar Brok, ish-kryetar i Komisionit të Jashtëm të Parlamentit Europian ka mbërritur dje në Tiranë për të ndihmuar Bashën në përplasjen brenda PD-së.

Kjo është bërë e ditur nga burime për Euronews Albania.

Të mërkurën në mbrëmje Brok darkoi me Lulzim Bashën. Po dje ai u takua me Sali Berishën.

Ndërkohë sot është takuar me Jozefina Topallin dhe me deputetë kundërshtarë të Bashës brenda PD-së formale.

Brok u ka thënë palëve që Basha pranon që të ketë një proces të vetëm zgjedhjesh në PD midis të gjitha palëve, por kërkon që të mbetet kryetar i PD-së dhe t’i menaxhojë ai zgjedhjet.

Ky propozim i Brok është hedhur poshtë nga Sali Berisha dhe përfaqësuesit e Komisionit të Rithemelimit.

Sipas Partisë Demokratike, takimi me Elmar Brok është bërë me ftesë të fondacionit KAS.

Brok punon si lobist për Bashën që para zgjedhjeve të prillit 2021. Ai ka shërbyer si eurodeputet nga viti 1980 deri në 2019.