Kryetarja e LSI e kalon natën përkrah artistëve tek Teatri: Ndenjëm syhapur për mos të lejuar asnjë ndërhyrje

Ashtu si kryedemokrati Lulzim Basha një natë më parë, edhe kryetarja e Lëvizjes Socialiste për Integrim, Monika Kryemadhi e kaloi natën tek Teatri Kombëtar përkrah artistëve që kundërshtojnë prishjen e tij.

Në një komunikim për mediat mëngjesin e sotëm, znj. Kryemadhi e quajti kryebashkiakun Erion Veliaj falsifikator dhe kryeministrin Edi Rama kufomë politike ndërsa u shpreh se rezistenca popullore për të mbrojtur teatrin do të vijojë.

“Me keqardhje dhe kënaqësi them se planet e ndërhyrjes në orët e para të mëngjesit nuk u realizuan dot. Më vjen keq për ata punonjës të bashkisë qe e kaluan natën në zyrë apo në cepat e rrugëve duke pritur momentin për të hyrë, por kjo qëndresë e sotme për të ndenjur syhapur dhe për të mos lejuar dhunimin e kësaj godine që i rezistoi tërmeteve më të fuqishëm që kemi parë, do t’i rezistojë kufomave politike si Edi Rama.

Qëndresa do të jetë e përnatshme që asnjërit të mos i shkojë në mendje që të gjëje momentin si skutha si me vendimi që bënë duke falsifikuar një mbledhje të këshillit bashkiak që nuk ka ndodhur kurrë”, tha kryetarja e LSI.

Znj. Kryemadhi i bëri thirrje edhe SPAK të mbajë sytë hapur dhe të vërë para ligjit ata njerëz që sipas saj, përmes falsifikimit krijuan këtë situatë.

FOTO l Shembja e teatrit, Basha: Kush merr pjesë, përgjigjet para ligjit

Artistët peticion për Ramën, Metën dhe Bashën: Kemi 50 vjet që presim për teatrin e ri

Meta: Shembja e teatrit i vë kazmën përpjekjeve për t’u integruar në BE

Shembja e Teatrit, anëtari i vetëm opozitar tregon votimin e pazakontë në Këshillin Bashkiak