‘Unë kam një ëndërr’, ekspozita e fotografes Juta Benzenberg në Tiranë

‘Unë kam një ëndërr’ titullohet ekspozita e fotografes Juta Benzenberg, që po mbahet në Tiranë gjatë muajit mars.

Ky projekt fotografik i kushtohet gruas. Fotografitë në ekspozitë janë kryesisht portrete të vajzave shqiptare, që synojnë të tregojnë historinë që fshihet pas portretit së tyre.

“Ekspozita ilustron ëndrrat e të rejave dhe adoleshenteve shqiptare nga zonat e thella të vendit”, thuhet në përshkrimin e projektit.

 

View this post on Instagram

 

A post shared by Jutta Benzenberg Photographer (@juttabenzenbergphotography)

Juta Benzenberg është një fotografe gjermane e cila ka një lidhje të ngushtë me Shqipërinë.

Rrugëtimin e fotografisë në Shqipëri, Juta e nisi përgjatë udhëtimeve të para në vend, të cilat i kreu me ish–bashkëshortin e saj, intelektualin Ardian Klosi.

Ajo ka udhëtuar në zona të ndryshme të vendit, qytete e fshatra, për të fotografuar peizazhe dhe portrete shqiptare.

Përmes lentës së aparatit, Benzenberg dokumenton kulturën dhe jetën shoqërore shqiptare.

 

View this post on Instagram

 

A post shared by Jutta Benzenberg Photographer (@juttabenzenbergphotography)

Ekspozita është e hapur për publikun nga data 9 deri në 31 mars në COD.

Kjo ekspozitë është një nismë e UN Women Shqipëri, e projektuar në kuadër të Ditës Ndërkombëtare të Gruas, në bashkëpunim me COD dhe me mbështetjen e Qeverisë Suedeze.