Kosova sanksione të tjera Rusisë, Kurti: Në linjë me aleatët ndërkombëtarë

Kosova ka zgjeruar pakon e sanksioneve kundër Rusisë për shkak të pushtimit të Ukrainës. Ky vendim që u mor në mbledhjen e Qeverisë.

Kryeministri Albin Kurti tha se këto sanksione përfshijnë ngrirje të aseteve bankare, ndalimin e qasjes së individëve të caktuar në tregjet financiare, ndalimin e transmetimit të mediave propaganduese. Individët e sanksionuar gjithashtu do t’i nënshtrohen ndalimit të udhëtimit apo transitit nga Kosova.

Në konferencën për media, ai u përgjigj pyetjes së Euronews Albania për mosarritjen e një marrëveshjeje me Serbinë për të lejuar mbajtjen e zgjedhjeve të këtij shteti në territorin e Kosovës më 3 prill, ku tha se serbët të mos protestojnë.

“Sot më erdhi informacioni që po përgatiten edhe protesta pasnesër. Unë nuk mendoj që protestat janë të nevojshme për këtë çështje. Unë plotësisht do i kuptoja nëse do të protestonin kundër korruposionit, për çështjet sociale, por të hyhet në protesta për zgjedhet e Serbisë që mbahen nëpër objektet shkollore, nuk është e drejtë. Thirrje serbëve në Kosovë që mos marrin pjesë në protesta. Zyra ime është e hapur për të gjitha ankesat”, tha ai.

LEXONI GJITHASHTU:

• Ministri rus: Forcat paqeruajtëse në Ukrainë do shkaktojnë përballje NATO-Rusi
• Sot mblidhet qeveria e Kosovës për zgjedhjet serbe