Ministrat e Ramës të paaftë për t’u përballur me kriza, thonë analistët

Protestat nuk e rrezikojnë pushtetin e Ramës në afatshkurtër, por në planin afatgjatë e degradojnë imazhin e qeverisë së tij, thotë analisti Andi Bushati.

Sipas tij, protesta tregoi se Rama i ndryshon qëndrimet kur është nën presion.

“Kaloi nga teza që qeveria nuk i kontrollon çmimet në tezën që qeveria i kontrollon çmimet. Mjaftoi një ditë protestë e fortë për të vënë kryeministrin në kontradiktë”, tha ai.

Gjithashtu Bushati tha se krizat kanë treguar se Rama ka vendosur ministra kukulla.

Këtë ide e mbështeti dhe Baton Haxhiu, i cili tha se krizat kanë treguar se ministrat e Ramës janë të pa përgatitur për t’u përballur me publikun.

Haxhiu tha se arroganca e ministrave vjen edhe si pasojë e përpjekjes për të imituar Ramën por pa e pasur artikulimin e duhur.

Analisti Haxhiu shtoi se protesta nuk e dëmton Ramën pasi nismëtarët nuk gëzojnë besim.