PD dënon sulmin me tritol ndaj biznesit të Xhemal Bushatit

Partia Demokratike dënon sulmin me tritol në pronën e ish-kandidatit demokrat për Bashkinë e Shkodrës, Xhemal Bushati.

PD-së nënvizon se gjendja e sigurisë në Shkodër ka përkeqësim për shkak të aleancës së qeverisë me krimin.

“Për fat të mirë, familja e zotit Bushati, që banon në të njëjtën godinë, nuk ka lëndime fizike, por ngjarja është tronditëse për ta dhe për qytetarët e Shkodrës. Për fat të keq, gjendja e sigurisë në Shkodër ka vetëm përkeqësim për shkak të aleancës së qeverisë me krimin”, thuhet në reagim.

PD u kërkon organeve ligjzbatuese të zbulojnë përgjegjësit.

“Kush mendon se mund të përkulë demokratët me sulme direkte ose indirekte, i ka bërë llogaritë gabim”, thuhet në reagim.

Gjatë orëve të para të mëngjesit të sotëm një sasi e konsiderushme lënde plasëse shpërtheu në hyrje të një qendre tregtare, e cila është në pronësi të ish-kandidatit të PD-së në bashkinë Shkodër, Xhemal Bushati.

Nga shpërthimi i fuqishëm ka vetëm dëme materiale si dhe janë dëmtuar objektet përreth.

LEXONI GJITHASHTU:

• Dy shpërthime me tritol në Shkodër