‘Për inceneratorët duhen arrestuar Rama, Veliaj e Ahmetaj’, thotë Këlliçi

Deputeti i Partisë Demokratike, Belind Këlliçi e ka cilësuar ‘spektakël’ arrestimet e fundit për abuzimet me inceneratorin e Fierit.

Sipas Këlliçit para drejtësisë janë vënë ‘peshqit e vegjël’ dhe jo ata që janë autorët e korrupsionit të madh.

Ndërsa i bëri thirrje kreut të Partisë Socialiste që t’i hapë rrugën arrestimit të deputetit të PS, Alqi Bllako, ai tha se hetimi nuk ka shkuar deri në fund.

“Qytetarët nuk duhet të harrojnë se Alqi Bllako dhe Lefter Koka janë vetëm pikënisja e kësaj afere”, tha Këlliçi.

Sipas tij, nëse drejtësia duhej t’i shkonte deri në fund kësaj çështjeje duhet të ishin në pranga Engjëll Agaçi, Arben Ahmetaj, Erion Veliaj dhe Edi Rama, që e cilësoi ‘urdhëruesin e kësaj afere’.

Këlliçi tha se SPAK duhet të hetojë dhe inceneratorin e Tiranës ku janë bërë edhe abuzimet më të mëdha.

“Ideatorët dhe përfituesit e vërtetë të kësaj afere nisin me Edi Ramën, Erion Veliaj, Arben Ahmetajn dhe Engjëll Agaçin”, përfundoi Këlliçi.

LEXONI GJITHASHTU:

• SPAK kërkon arrestimin e deputetit të PS-së
• Lefter Koka akuzohet për korrupsion me inceneratorin e Fierit