Nuk ka prova se Putin po tërheq trupat nga Kievi, thotë Biden

Presidenti amerikan tha për mediat se është skeptik ndaj pretendimeve të Rusisë se do të tërhiqte trupat nga Kievi dhe do të fokusohej në lindje të vendit.

“Është një pyetje e hapur nëse ai në të vërtetë po tërhiqet”, u tha Joe Biden gazetarëve.

“Deri tani, nuk ka asnjë provë të qartë se ai po tërheq të gjitha forcat e tij nga Kievi. Ka gjithashtu prova që ai po forcon trupat e tij në zonën e Donbasit”, tha ai.

Në takimin e zhvilluar mes negociatorëve të Ukrainës dhe Rusisë në Turqi, pala ruse u zotua se do të reduktonte operacionet ushtarake në 2 qytete të Ukrainës.

LEXONI GJITHASHTU:

• Bideni mendon se Putini nuk duhet të qëndrojë në pushtet
• Rusia dhe Kina forcojnë bashkëpunimin për çështjet globale