Pikat e presidentit për situatën në vend, Rama: Duhen ndarë se ndryshe thyhet ena e Kushtetutës

Kryeministri i vendit, Edi Rama i është përgjigjur sërish Presidentit të Republikës për paketën e Integrimit. Me një shënim në “twitter”, kreu i mazhorancës thotë sërish se nuk ka marrë asnjë platformë të tillë nga Meta.

Sipas tij, pikat e renditura nga Meta duhen ndarë, ndërsa shton se jo të gjitha janë në përgjegjësinë e kryeministrit.

“Që unë s’gënjej IM e ka shkruar vetë, se unë nuk quhem Yuri Kim dhe s’di që Ambasadorja e SHBA të mbulojë edhe shërbimin postar + po t’i kisha marrë ato pika do i kisha shkruar pse më duken si pika vaji e uthulle që duhen ndarë, se ndryshe thyhet ena e Kushtetutës&Integrimit”, shkruan Rama.