Agjencia për Media dhe Informim përplas Endri Fugën dhe Ina Zhupën

Pas kritikave të opozitës për krijimin e Agjencisë për Media dhe Informim nga qeveria, Endri Fuga në cilësinë e drejtorit të kësaj agjencie raportoi këtë të mërkurë në komisionin e edukimit dhe mjeteve të informimit publik.

Zëdhënësi i qeverisë deklaroi se modeli për ngritjen e agjencisë është marrë nga Gjermania dhe se qëllimi është informimi i publikut.

“Zëdhënësit bëjnë të njëjtin punën që bënin dhe përpara, e vetmja gjë që ka ndryshuar është se ka një koordinim më të mirë për çështje të cilat prekin disa ministri bashkë, nuk ka ndryshime të tjera”, tha Fuga.

Por deputetja e Partisë Demokratike, Ina Zhupa e konsideroi agjencinë një institucion propagande në funksion të qeverisë.

“De facto ju jeni ministri i propagandës së qeverisë së Edi Ramës që keni për detyrë si agjenci që të përcillni sa më mirë propagandën e qeverisë Rama, atë që ata duhet të bëjnë, më shumë sesa atë që ata bëjnë”, u shpreh deputetja e PD.

Agjencia u ngrit me vendim qeverie në shtator të 2021-it por funksionimi e ka nisur 3 muaj më parë dhe ka në përbërje të saj 69 punonjës.

LEXONI GJITHASHTU:

• Agjencia për Media, Luçiano Boçi: Polici mediatike, do thërrasim në seancë dëgjimore përfaqësues nga Kryeministria
• KESH shpenzon 800 mijë lekë në vit për të monitoruar mediat