Bardh Spahia shkarkon krerët e njësive Postribë e Dajç, mbështetës të Bashës

Pas marrjes së detyrës në krye të Bashkisë Shkodër, Bardh Spahia ka bërë lëvizjet e para duke shkarkuar nga detyra Altin Shabajn, administrator i njësisë Posteibë si dhe Gjovalin Derragjatin, administrator të njësisë Dajç.

Këta dy të fundit publikisht në zgjedhjet e pjesshme vendore të 6 marsit mbështetën kandidatin e Lulzim Bashës, Xhemal Bushati.

Lidhur me këtë lajm ka reaguar administratori i njësisë Dajç, Gjovalin Derragjatin.

Përmes një postimi në faqen e vet në Facebook, ka akuzuar kryebashkiakun e Shkodrës se jo vetëm e ka lajmëruar për shkarkimin përmes një shkrese që nuk përmban motiv apo arsyetim, por edhe e ka kërcënuar.

“Askush nuk ka të drejtë të hartojë kërkesa të tilla, me këtë gjuhë të rëndë urrejtjeje të paragjykuar politikisht, aq më pak një kryetar rishtar i Bashkisë së kryeqendrës së Veriut, i katapultuar, nga shtabi i urdhërimit të djegies së shkollave- qendra votimi, nga një njeri që vërtitej rrugëve, në kandidat për Bashkinë Shkodër, pa kaluar më parë në rrjetën e pastrimit të mëkateve të shkuara para ligjit”, shkruan Derragjati.

Ndonëse në Shkodër u duk një frymë bashkimi mes deputetëve mbështetës të Bashës dhe Bardh Spahisë, duket se sërish Spahia nuk nguroi të ndëshkonte “kundërshtarët” e tij në garën elektorale të 6 marsit.

LEXONI GJITHASHTU:

• Bardh Spahia merr zyrtarisht drejtimin e Bashkisë Shkodër
• 2 Prilli bashkon demokratët e Shkodrës