Franca do të rikthejë ambasadën e saj në Kiev

Franca njoftoi të enjten se ambasada e saj në Ukrainë do të kthehej shumë shpejt në kryeqytetin Kiev nga Lviv, raporton CNN.

”Kjo lëvizje do t’i lejojë Francës të thellojë më tej mbështetjen e saj për Ukrainën në çdo fushë, në mënyrë që të përballet me luftën e nisur nga Rusia më 24 shkurt të kaluar”, tha Ministria e Jashtme franceze në një deklaratë.

Ambasada franceze ishte zhvendosur në qytetin perëndimor të Ukrainës, Lviv, në fillim të marsit.

Sipas deklaratës, ministri i Jashtëm francez Jean-Yves Le Drian informoi homologun e tij ukrainas Dmytro Kuleba për vendimin në një telefonatë të enjten, gjatë së cilës diskutuan gjithashtu ndihmën e Francës në mbledhjen dhe dokumentimin e provave të abuzimeve të kryera nga forcat ruse në Ukrainë, si dhe operacionet humanitare dhe sigurimin e pajisjeve ushtarake.

LEXONI GJITHASHTU:

Rusia paralajmëron NATO-n me vendosje të armëve bërthamore në Detin Baltik

Rusia ‘përdori bombë të ndaluar’ në vrasjen e 50 civilëve në Ukrainë