Evropa nuk mund të zëvendësojë naftën dhe gazin rus, thotë Putin

Presidenti rus Vladimir Putin tha se Evropa nuk ka alternativë përveçse të vazhdojë të përdorë energjinë ruse, duke paralajmëruar për pasoja ekonomike jashtëzakonisht të dhimbshme nëse kontinenti përpiqet të zëvendësojë furnizimin e tij me naftë dhe gaz.

“Një zëvendësim i arsyeshëm për Evropën thjesht nuk ekziston”, tha Putin për mediat përmes lidhjes video nga rezidenca e tij pranë Moskës të enjten, raporton BBC.

Ditët e fundit, liderët në Evropë po lëvizin për të reduktuar varësinë e tyre nga energjia ruse. Dhe presidenti ukrainas Volodimir Zelenski ka kritikuar vende të tilla si Gjermania që po i rezistojnë një ndalimi total të naftës dhe gazit rus për shkak të kostos së saj të madhe ekonomike, duke thënë se ata kanë gjak në duart e tyre.

Megjithatë, Putin gjithashtu pranoi se kishte çështje të pazgjidhura me pagesat për furnizimet e eksportit të energjisë ruse, pasi bankat nga vendet jomiqësore kishin vonuar transferimin e fondeve.

“Siç e kemi thënë shumë herë, problemi më urgjent këtu është ndërprerja e logjistikës së eksportit”, tha ai.

LEXONI GJITHASHTU:

• Përpjekjet e Turqisë për takimin mes Putinit dhe Zelenskit
• Sanksionet ndaj Rusisë kanë dëmtuar Europën dhe SHBA-të, thotë Putin