KLSH: Dëmi ekonomik, 616 milionë euro

Institucionet shtetërore kanë shkaktuar 616 milionë euro dëm ekonomik në vitin 2021.

Kontrolli i Lartë i Shtetit e ndan shumën e humbur në dy zëra. Së pari, janë të ardhurat e munguara në Buxhet për keqadminsitrim të institucionit, 458 milionë euro. Pjesa tjetër, është dëmi i drejtpërdrejtë ekonomik, 158 milionë euro.

Për të zbuluar këto shkelje, KLSH ka kontrolluar 205 institucione publike.

Abuzimet më të mëdha janë parë në evazionin tatimor, në fushën e investimeve dhe të ardhurat doganore. Dëm ekonomik, zyrtarët kanë shkaktuar edhe në ndarjen e pagave të administratës, në tendera dhe administrimin e pronës shtetërore.

Për veprimet e paligjshme, KLSH ka bërë 14 kallëzime penale, në dosjet e të cilave padit 62 zyrtarë.

Një situatë e ngjashme e keqmenaxhimit të fondeve publike u vu re edhe në vitin 2020, ku dëmi ekomomik ishte 712 milionë euro.

LEXONI GJITHASHTU:

• Eksperti i ekonomisë: Të ndalen PPP-të, po rrezikohet jetesa e qytetarëve