Nis beteja për Donbasin, forcat ruse zhvendosen në lindje të Ukrainës

Forcat ruse kanë nisur zyrtarisht sulmin e tyre në lindje të Ukrainës, në rajonin e Donbasit. Lajmi u konfirmua nga presidenti Volodimir Zelenski.

Në fjalimin e mbrëmjes ai rikonfirmoi qëndrimin e Ukrainës që nuk dorëzohet kurrë.

Ukraina pretendon se ka nisur faza e dytë e luftës. Edhe pse bombardimet nuk kanë reshtur asnjëherë e madje janë bërë më intensive në veri-lindje të vendit në qytetin Kharkiv. Sulme ka pasur edhe në Lviv, në perëndim, ku të paktën 7 persona u vranë.

Luftimet janë shtuar edhe në Mariupol, ku është bombarduar fabrika Azovstal ku ndodheshin shumë civilë dhe disa forca ukrainase. Megjithatë zëdhënësi i Pentagon shprehet se qyteti port nuk është dorëzuar.

SHBA ka dërguar paketën e ndihmës për Ukrainën ku përfshiheshin pajisje ushtarake. Për momentin presidenti Xhou Bajden nuk ka planifikuar të vizitojë Kievin pavarësisht këmbënguljes së Zelenskit.

Në kohën kur kanë nisur hetimet për krime lufte, presidenti Putin nderoi brigadën e cila akuzohet për aksionet në Buça, ku trupat e viktimave të gjetur në rrugë po digjen.

LEXONI GJITHASHTU:

• Lufta në Ukrainë nuk ndikon në preferencat e turistëve